Коронавирус Тайландын сармагчинг хотын тѳв рүү даллажээ. Тайланд орныг зорих аялал жуулчлал зогсож, жуулчдын хѳл тасарснаас болж, Бангкокийн сармагчин нутгаа орхиж, хүн бараадаж хотын тѳвд суурьшиж эхэлжээ. Тэднийг амтат хоол хүнс, жимсээр тэжээдэг байсан жуулчдын урсгал тасарсан нь сармагчингийн сүргийг ѳлсгѳлѳнгийн байдалд хүргэжээ. Ѳдѳртѳѳ 40 хэм хүрч халах нь олон мянган сармагчин зоопаркаа орхин бослого гарган, улмаар хагас галзуурлын байдалд шилжүүлсэн байна. Ѳлсгѳлѳн, уурссан сармагчингийн сүрэн замдаа тааралдсан хүнсний дэлгүүр, лангууг тонон дээрэмдэж, эсэргүүцсэн эзэн лүү нь уурсан довтолж байна. Энэ бол бидний ѳмнѳ нь эрхлүүлж аятайхан таашаал, мэдрэмж авч байсан сармагчин биш, харин зэрлэг, догшин нохдын сүрэг шиг санагдлаа гэж Тайландад жуулчилсан Браун сэтгэгдлээсээ хуваалцлаа.
Тэд маш ѳлсгѳлѳн, ганц бананы тѳлѳѳ бие биенээ ч барьж идэхэд бэлэн, тийм л догшин, хэрцгий байлаа гэж тэр нэмж тайлбарлалаа. Коронавирусаас гадна, бас сармагчнаас биеэ хамгаалах хэрэгтэй болсон байна, Тайландад.
Ѳлсгѳлѳн, хоолоо булаацалдсан сармагчингийн сүрэг хотыг эзэгнэж, хотын гудмаар хэсүүчлэх, нохой, муурыг тасдан, арьс үсийг нь ч үлдээлгүй идэж байгаа аж. Мѳн тахиа шувууг ч аюул нѳмѳрчээ. Тэд хүнээс бусдыг нь барьж, идэж, ѳлсгѳлѳнгѳѳ дарж байгаа аж.
О.Гоо-Оюун
