УОК-ын шийдвэрээр Гадаад улсад оршин суух Монгол улсын иргэдийг тусгай үүрийн нислэгээр Монгол улсад авчирж байгаа. Энэ хүрээнд "Дарханы замын ажилд оролцох 105 хятад иргэнийг Ням гарагт чартер нислэгээр авчирна" хэмээн Зам тээврийн хөгжлийн сайд Б.Энх-Амгалан мэдээллсэн. Энэ мэдээллийг иргэдийн дийлэнх нь эсэргүүцэж халдвар гарсан бүс нутгаас хятад улсын иргэдийг Монгол улсад авч ирэх нь зөв үү ? буруу юу ? гэсэн асуулт үүсээд байна. Тэгвэл уг асуудалд эрүүл мэндийн яам ямар байр суурьтай байгаа талаар тус яамны хэвлэлийн төлөөлөгчтэй холбогдож тодруулахад " Халдвар гарсан орнуудаас тусгай нислэгээр авчирсан иргэдээс халдвар илэрч байна. Ингэж вирус зөөвөрлөгдөн ирж байгаа нөхцөлд БНХАУ-аас хятад иргэдийг авчрах асуудалд ЭМЯ эсэргүүцсэн байр суурьтай байна" гэлээ.
О.Гоо-Оюун
