Коронавирусийн халдварыг хязгаарлах зорилгоор дэлхийн улс орнууд бүх шатны сургуулиудаа хаах шийдвэр гаргаж байгаа. Харин Япон улсын засгийн газар дөрөвдүгээр сарын 1-нд хичээлийн шинэ жилээ хэвийн эхлүүлэх шийдвэр гаргасныг тус улсын боловсролын яам өчигдөр мэдэгджээ. Өнөөдрийн байдлаар Япон улсад бүртгэгдсэн коронавирусийн халдварын тохиолдол 1,600 хүрээд байгаагийн 700 нь тус улсын эрэгт ирж зогссон “Diamond Princess” аяллын хөлгөөс илэрсэн юм. Япон улсын 47 мужийн дөрөвт нь 100-аас дээш тооны халдварын тохиолдол бүртгэгдээд байгаагаас хамгийн олон тохиолдолтой нь Хоккайдо муж, Токио болон Осака хотууд болсон байна.
Эх сурвалж: Kyodo News
