Итали Улсад халдварын тархалт болон нас баралт хурдацтай нэмэгдэж, тус улсын эрүүл мэндийн байгууллага үндсэндээ ачааллаа дийлэхгүй болсонтой холбогдуулан Итали улсад туслахаар БНХАУ, Кубын эмч нарын баг очоод байсан юм. Тэгвэл ОХУ-ын Ерөнхийлөгч В.Путин Италийн Ерөнхийлөгч Жузеппе Контитой өчигдөр утсаар ярихдаа ОХУ-ын цэргийн эмч нарыг илгээж туслалцаа үзүүлэхээ мэдэгдсэн билээ.
Тэгвэл өнөөдөр ОХУ-ын вирус судлаач 100 эмч бүхий найман баг Италид газардлаа. Тэд коронавирусийн голомт болоод буй Итали улсад тусламж үзүүлэхийн тулд Ил -76 цэргийн ачааны зориулалттай 9 том онгоцоор, өөрсдийн ачааны машин, майхан, хоол унд, эм тариа, аппарат, тоног төхөөрөмж, эмнэлэгийн хэрэгсэл, хувцас хунар, эмчилгээний цогц хэрэгсэл зэрэгтэй очсон юм. Мөн Итали улс эдийн засаг, санхүүгийн хувьд ч хүндрэлтэй байгаа тул ОУВС-аас томоохон дүнтэй зээл авах хүсэлт гаргажээ.
О.Гоо-Оюун
