БНЭУ шинэ төрлийн “коронавирус”-ийн /covid 19/ халдварын дараагийн голомт болох магадлалтай байгаа аж. Учир нь Энэтхэг улсад гуравдугаар сарын 23-ны байдлаар халдварын тохиолдол 396 хүрч, долоон хүн нас бараад байгаа юм. Энэ тоо дөрөвдүгээр сарын 15 гэхэд огцом нэмэгдэнэ гэж Энэтхэгийн судлаачид, эрдэмтдийн баг үзэж байна. Мөн хурдацтайгаар тархлаа гэхэд Энэтхэгийн нийт хүн амын 10 хувь нь халдвар авах магадлалтай гэсэн тооцоо байгаа аж. Халдвар хурдацтай тархлаа гэхэд өвчний нөхцөл байдал одоогийн Итали болон Иран улсынхаас хүнд болж магадгүй гэж Энэтхэгийн Эрүүл мэндийн судалгааны төвийн зөвлөлийн тэргүүн асан, доктор Жэкоб Жон анхааруулсан байна. Харин дэлхийн бусад улсын судлаачид тус улсын Засгийн газраас өвчний тархалтын эсрэг авч байгаа арга хэмжээг харьцангуй удаан байна гэж шүүмжилсэн байгаа аж.
О.Гоо-Оюун
