Монгол улсад хэрэгжиж буй 'Цахим эрүүл мэнд' төслийн хүрээнд Дэлхийн Банкнаас 2.2 сая америк долларын санхүүжилтийг манай улсад олгохоор болжээ. Тус санхүүжилтийг улсын хэмжээнд нэн шаардлагатай байгаа эмнэлгийн оношилгооны тоног төхөөрөмж худалдан авахад зарцуулах аж. Энэхүү санхүүжилтын хүрээнд 15 суурин ба 12 зөөврийн дижитал рентген аппарат, 41 хэт авианы оношилгооны аппарат зэрэг тоног төхөөрөмж худалдан авах юм. Тоног төхөөрөмж дөрөвдүгээр сарын эхээр Монголд тээвэрлэгдэн ирэх төлөвтэй байна.
Э.Сувдаа