ОХУ-ын Ерөнхийлөгч В.Путин Шинэ коронавирусийн халдварын тархалт, эдийн засагт нүүрлэх хямралаас сэргийлэх үүднээс зарлиг гаргасан байна. Түүний зарлигт ирэх долоо хоногыг улс даяар ажлын бус өдөр болгож. Иргэдэд цалинтай чөлөө олгохыг тусгасан байна.Түүнчлэн ирэх зургаан сарын хугацаанд иргэдийн зээл төлөлтөд уян хатан хандана. Ялангуяа орон сууцны зээлтэй ч хямралын хугацаанд орлого тасалдаж хүнд байдал орсноо бичгээр нотолсон тохиолдолд зээлийг түр царцаах болж байна. Мөн одоогоор тус улсад 8000 рубль байгаа ажилгүйдлийн тэтгэмжийг 12000 рубле болгож байна. Хүүхэдтэй гэр бүлийг дэмжих зорилгоор дараагийн гурван сард, жирэмсний дөрвөн сартайгаас эхлэн гурван нас хүртэлх хүүхэдтэй ээжүүдэд сар бүр таван мянган рублийн тэтгэмж олгохоор болжээ.
Э.Сувдаа
