Л.НАРАНБААТАР : ШҮҮХ ДЭЭР З.ЭНХБОЛДЫГ ЯЛЛАА

2020-03-31  

2020 оны 3-р сарын 30-ны өдөр Сүхбаатар дүүргийн эрүүгийн хэрэг хянан шийдвэрлэх анхан шатны шүүх хурал болж намайг З.Энхболдыг гүтгэлээ гэж зөрчлөөр 2 сая төгрөгөөр, хууль бусаар торгосон цагдаа, прокурорын шийтгэвэрийг хүчингүй болголоо. Би З.Энхболдын хувийн хонгилоор хангалттай хэлмэгдсэн, дахин орохгүй гэж торгосон цагдаа, прокурорын шийтгэвэрийг нь цуцлуулахаар шүүхэд хандсан юм. Шүүх хурал хоёр ч удаа хойшилсоны эцэст өчигдөр хурал болсон. З.Энхболд харин шүүхийг үл хүнтэтгэж өөрөө ирсэнгүй. З.Энхболд нь гомдолдоо ингэж бичсэн байсан юм. ЦАГДААГИЙН ЕРӨНХИЙ ГАЗАР НИЙТИЙН ХЭВ ЖУРАМ ХАМГААЛАХ, ОЛОН НИЙТИЙН АЮУЛГҮЙ БАЙДЛЫГ ХАНГАХ АЛБАНД ГОМДОЛ ГАРГАХ НЬ 2019 оны 11 сарын 11 ны өдөр Улаанбаатар хот Зандаахүү овогтой Энхболд миний бие Зөрчил шалган шийдвэрлэх тухай хуулийн 1.8 дугаар зүйлийн 6 дахь хэсгийн 6.8 д заасны дагуу Цагдаагийн байгууллагын эрх бүхий албан хаагчаар Зөрчлийн тухай хуулийн 6.21-т заасан зөрчлийг шалгуулахаар бичгээр гомдол гаргаж байна. Өөрөөр хэлбэл миний нэр төр, алдар хүнд, ажил хэргийн нэр хүндийг гутаан доромжилсон худал мэдээллийг мэдээллийн хэрэгсэл нийтийн сүлжээгээр дэлгэсэн нэр бүхий хүнд зохих хуулийн хариуцлага ногдуулах хүсэлтэй байна. Тодруулбал: Лүндэгийн Наранбаатар гэх этгээд сүүлийн үед өөрийн Лүндэгийн Наранбаатар гэх нэртэй фейсбүүк болон твиттер хуудас, 1072 гэх нэртэй фейсбүүк хуудсанд З.Энхболд намайг байнга гүтгэж харлуулсан мэдээллийг олон нийтэд тараах болсон. Энэхүү гүтгэлүүдийг нэгтгэн гомдол гаргаж байна. Хүн үзэл бодлоо илэрхийлэх үндсэн эрх чөлөө хуулиар олгогдсон ч түүнийгээ ашиглан бусдад илтэд худал мэдээллийг тараахаас гадна бусдыг доромжилж байгааг хүлээн зөвшөөрөх арга байхгүй тул цагдаагийн байгууллагад хандаж байна. Иймд Лүндэгийн Наранбаатар гэх этгээдэд зөрчлийн хуулийн дагуу арга хэмжээ авч өгнө үү. Гомдол гаргасан: З.Энхболд" гэсэн байв.

Ингэж ѳѳрийн нүүр хуудсандаа Наранбаатар бичжээ.

Л.Наранбаатар: "Эрдэнэс таван толгой"-н 1072 хувьцаанд иргэд ...

Л.Наранбаатар нь З.Энхболдыг УИХ-ын дарга байх ахуйд оймсоо тайлан нүүр лүү нь шидэж, түүндээ зохих шийтгэл хүлээж байсан. Наранбаатарыг Дархан-Уул аймгийн Намын даргаар сонгогдсоныг З.Энхболд АН-ын дарга байх үедээ баталгаажуулаагүй явдал бий. Тэр үеэс л зѳрчил улбаалсан гэдэг.

 

Э.Сувдаа

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
иргэд:Маш зүйтэй,Наранбаатарт баяр хүргэе,хүний нүүрлүү эгц хардгүй,чонын гөлөг шиг газар шагайсан юмнууд ялагдаж байх нь зөв 2020-03-31
Иргэн:Амжилт.зикагийн хүмүүс хууль шүүхд олон б.гаа шүү...цэцэд хүртэл өөрийн хүнээ шургуулсан. 2020-04-06
Төстэй мэдээ
Шинэ мэдээ
Санал асуулга
ТАНД ЭНЭ ЖИЛИЙН УИХ-Н СОНГУУЛЬ ЧУХАЛ УУ?