2020 оны УИХ-ын ээлжит сонгуульд улс төрийн арав гаруй нам, 100 гаруй ТББ, 20 гаруй мэргэжлийн байгууллагууд эвлэлдэн нэгдэж ШИНЭ ЭВСЭЛ нэрийн дор УИХ-ын ээлжит сонгуульд өрсөлдөнө. Намууд эвссэнд иргэд ам сайтай байгаа. Харин зарим иргэд өнгөрсөн гучин жилийн хугацаанд бие даасан намууд төрийн эрхийг авсан хэдий ч улс орны хөгжлийн төлөө юу ч хийсэнгүй. Олон нам нэгдсэн болохоор УИХ-д сонгогдлоо гэхэд албан тушаалаа булаацалдах болно гэсэн хардлагатай байна. Тэгвэл шинэ эвслийн гишүүн намуудын хооронд ямар нэг албан тушаалын тохироо байхгүй. Харин сонгуулийн тухай хуулийн дагуу 76 квотоо хэрхэн хувиарлах, аль тойрогт хэнийг дэвшүүлэх талаар ярилцсан. Мөнгөний асуудал яригдаагүй. Нэн тэргүүнд ард түмний төлөө байх зорилт тавиад байна хэмээн эвсэлд нэгдэн орсон ҮНЭН БА ЗӨВ намын дарга А.Отгонбаатар хэвлэлд өгсөн ярилцлагадаа онцлов.
Т.Хуншагай