АНУ-ын тэнгисийн флотын USS Theodore Roosevelt нисэх онгоц тээвэрлэгч хөлөг дээр шинэ коронавирусийн халдвар тархсан. Хөлөг дээр нийт 5,000 орчим усан цэрэг алба хааж байгаагаас 100 орчим нь коронавирусийн халдвар авсан хэмээн эх сурвалжууд мэдээллэж байна. Одоо тус хөлөг АНУ-ын Номхон далай дахь нутаг дэвсгэрт тооцогддог Гуам арлын боомтод зогсож байгаа. Өчигдөр АНУ-ын тэнгисийн флотын захиргаа USS Theodore Roosevelt хөлгийн 3,000 орчим усан цэргийг хуурай газарт шилжүүлэх ажлыг эхлүүлсэн бөгөөд баасан гараг хүртэл үргэлжилнэ. Харин үлдсэн 1000 гаруй усан цэргүүд нь хөлгөө хамгаалах, чухал системүүдийнх нь ажиллагааг тасалдуулахгүй байх үүрэгтэй ажиллах аж.
Э.Сувдаа