'ШИНЭ ЭВСЭЛ"-ийг шударга ёсны төлөө тууштай явж чадах хүмүүсийн нэгдэл гэж харсан. Иймээс эвссэн. Харин МАН ямар ч намтай эвсдэггүй, АН нэг удаа эвсэл байгуулаад авлига, албан тушаалаас болоод салцгаасан. Н.Энхбаярын намтай эвсэх хэцүү. Дэндүү хуучинсаг, хоцрогдсон хүмүүстэй шинэ юмны төлөө яаж хамтрах вэ дээ гэж Бүгд Найрамдах Намын дарга Б.Жаргалсайхан байр сууриа тодотголоо.
Асуудалд бодитой хандах цаг болсон. Амиа хорлох хэрэггүй. Тэр тусмаа ѳѳрийнхээ. Намайг сонгогдох гэж байна гэж хардаад байна. Би сонгогдохдоо гол нь биш. Сонголтоо зѳв хийх нь иргэний үүрэг. 30 жилд 7 удаа буруу сонголт хийлээ. Хэн хохиров? Сонгогдоогүй би хохиров уу? Сонгогч Та л хохирсон. Улс орноо, ѳарийнхээ амьдралыг, үр хүүхдийнхээ ирээдүйг хар. Ийм сонголтыг хийж ирсэндээ сургамж авах цаг болсон. Энэ бол эцсийн сонголт. Үүнээс ѳѳр эргэлт хийх сонголт Та Бидний хэнд ч олдохгүй гэж харж байна гэж Б.Жаргалсайхан Control.mn-д хэллээ.
Э.Лхагва