БНХАУ-ын Шенжень хотын захиргаа хотын нутаг дэвсгэрт нохой, муурын махыг хүнсэнд хэрэглэхийг хоригложээ. Энэ нь БНХАУ-ын түүхэнд анхны тохиолдол болсон талаар ВВС агентлаг мэдээлсэн юм. Хориг ирэх тавдугаар сарын 1-нээс хэрэгжих юм байна. Шинэ төрлийн Корона Вирус эрчимтэй тархсантай холбоотойгоор Хятадын эрх баригчид зэрлэг амьтны махыг хүнсэнд хэрэглэхийг орон даяар хориглох шийд гаргасан. Шэнжень хот энэ шийдвэрийг дагахдаа нохой, муурыг нэмсэн юм байна. Одоогийн байдлаар Тайвань улс бас нохой, муурны махыг худалдаалах, хүнсэнд хэрэглэхийг хоригложээ. Мөн Хонконгод муур, нохойг хүнсэнд хэрэглэх зорилгоор хөнөөхийг хориглож, зөрчсөн хүнд зургаан сар хүртэл хорих, 640 ам.доллараар торгох шийтгэл ногдуулахаар болжээ. Дэлхийн бусад улс орны иргэд Хятад улсын хүнсний төрөлд оруулдаг гэрийн тэжээвэр амьтад, төрөл бүрийн зэрлэг амьтад, мэрэгч амьтад болон шавьж зэргийг тийм ч таатай хүлээж авдаггүй бөгөөд энхүү шийдвэрт таатай хандаж байгаа талаар BBC агентлаг мөн мэдээлсэн юм.
О.Гоо-Оюун
