ХХААХҮ-ийн сайдаар ажиллаж байхдаа эрх мэдлээ урвуулан ЖДҮ-ийг хөгжүүлэх санг хувьдаа ашигласан асуудлаар УИХ-ын гишүүн Батзориг хууль хяналтын байгууллагад шалгагдаад багагүй хугацаа өнгөрч байна . Түүнд холбогдох шүүх хурал ирэх даваа гарагт буюу 2020 оны дөрөвдүгээр сарын 6-ны өдөр Баянзүрх дүүргийн Эрүүгийн хэргийн анхан шатны шүүхэд болно. Дээрх асуудлаас үүдэж УИХ-ын гишүүн Б.Батзориг ХХААХҮ-ийн сайдын суудлаасаа 2018 оны 11 дүгээр сарын зургааны өдөр огцорч байсан. Түүнийг 2020 оны 4-р сарын 6- ний ѳдѳр нээх УИХ-ын чуулганаар гишүүнээс чѳлѳѳлѳх нь тодорхой болсон байсан. Харин тэрбээр нѳхцѳл байдлыг дүгнэж, саналаараа гишүүнээсээ татгалзлаа. Ирэх долоо хоногт эхлэх чуулганаар УИХ-ын гишүүн Ундармаагийн бүрэн эрхийг татгалзуулах асуудлыг ч прокуророос тавих болжээ. Мѳн АН-ын дарга С.Эрдэнийг ч дээрхи асуудал тойрохгүй.
Батзориг ѳргѳдлѳѳ ѳгснѳѳр УИХ 74 гишүүнтэй үлдэв.
Ундармааг чѳлѳѳлбѳл УИХ 73-уулаа үлдэнэ.
С.Эрдэнийг татвал 72 гишүүнтэй хаалтаа хийнэ.
Э.Сувдаа
