Түүний тэсвэр алдагдсан байна. Тэр бууж ѳгѳхѳѳр биш, босож үзэлцэхээр Монголд ирсэн байна. -" Хэрэв Халтмаагийн Баттулга Ерөнхийлөгчийн дараагийн сонгуульд дахин нэр дэвшвэл би түүнийг сөрж өрсөлдөх болно гэдгээ үүгээр зарлаж байна" гэж тэрбээр ѳѳрийн постондоо бичсэнээс түүний байр суурийг уншиж тандаж болж байна. -"Намайг Баттулга махны машинаараа хэчнээн далайлгаж, дарамтлах, яллах гэж оролдлоо ч Монгол Улсын хууль, эрх ашгийг зөрчсөн үйлдэл надаас нэг ширхэг ч олж чадахгүй. Надад тийм зүйл байхгүй. Төрийнхөө хуулийг хүндэтгэж, хар цагаанаа шударгаар ялгуулах нь миний хувьд нэр төр, бахархал байх болно. Эх орон, Эрх чөлөө хоёроо бүтэн байгаа цагт, сонгууль талцал руу эргэж буцахгүй гэж би өөртөө хатуу шийдсэн байсан юм. Гэхдээ хоргоож боргоогоод хандсан зүгт алхуулахгүй бол тулгарах ямар ч бэрхшээл сорилтоос надад хойш суух шалтгаан байхгүй" гэж хэлсэн нь Ц.Элбэгдорж нударгаа зангидан, сэтгэлээ чангалан Монголд газардсан байна.
Тѳрийн тамга гардуулах үеэр ѳѳр хоорондоо нэг л "ёозгүй" харагдсан нь дурайн авайнд ѳртсѳн.
Х.Баттулгыг хонгил руу чирэх гэж оролдсон хүн бол Ц.Элбэгдорж. Харин одоо байр суурь нь солигдсон. Баттулга ерѳнхийлѳгчѳѳр сонгогдож, Элбэгдорж гутлаа үдэж, зангиагаа засаж АТГ-ын үүдийг татахдаа тулж ирлээ.
Э.Сувдаа
