“Зөв амьдрах ухаан” ТББ-ын тэргүүн Г.Загдаад хүчиндүүлсэн гэх иргэн Д.Халиун хэвлэлийн хурал хийлээ. Тэрээр тус байгууллагад өөрийн охины хамт 2 жил амьдарсан. Иргэн Д.Халиун өөрийн хүчээр амьдрах гэж “Зөв амьдрах ухаан” ТББ-аас явж тусдаа гарсан юм. Гэвч тус байгууллагын тэргүүн гэгдэх Г.Загдаа охиныг өгөхгүй хэмээн зэрлэг балмад аашилж эхэлснээр энэ хэрэг явдал одоог хүртэл шийдэгдээгүй байна.
Иргэн Д.Халиун: Г.Загдаа тус төвд байдаг хүмүүсийг доод талынхаа грашинд хүлж зодон, байнга хүчирхийлдэг. Г.Загдаа намайг хүчиндсэн. Эхлээд Загдаа ах, дараа нь хоёр нийгмийн ажилтан нь ч намайг хүчиндсэн. Энэ талаар хэлвэл хүүхдийг чинь чамд өгөхгүй гэж байнга сүрдүүлдэг. Г.Загдаа ахад хүчиндүүлсэн бичлэг маань миний утсан дээр бий. Даанч цагдаа нар хураагаад авчихсан. Г.Загдаа ах намайг хэд хэдэн удаа хүчиндсэн. Нэг удаа гурван өдөр дараалан хүчиндээд, миний доороос цус гарсан. “Зөв амьдрах ухаан” төвд Баярцэцэг гэдэг эгч байсан. Тэр эгчийг Загдаа ах дандаа хүчинддэг. Бүр сүүлдээ зугтаахын тулд өөрийгөө хутгалсан шүү дээ. Тэгж байж эмнэлэгт хэвтсэн. Би охинтойгоо уулзаагүй хоёр сар гаруй болж байна. Би Загдаа ахаас айж байна. Ярьсан зүйл минь худлаа байвал би бүх хариуцлагаа хүлээнэ. Надад болон манай хүүхдэд ямар нэгэн юм болвол Загдаа ахын буруу шүү” гэв.
Нийгмийн сүлжээгээр нохой Г.Загдаа гэгдээд буй “Зөв амьдрах ухаан” ТББ-ын тэргүүн амьдралын боломжгүй, өнчин хүүхдүүдийг асарч хамгаалах нэрээр хажуудаа байлгаж. Тэднийг дарамталж, хүчирхийлж гэмт хэрэг үйлддэг болох нь хуулийн байгууллагаар тогтоогдоогүй хэдий ч түүний гаргаж буй ааш авир сошиал орчинд ихээхэн шүүмжлэл дагуулж байна. Хохирогч нар хүчирхийлэлд өртсөн гэдгээ мэдээллэж байна.
О.Гоо-Оюун