Монгол Улсын Засгийн газраас сайжруулсан шахмал түлшний хоёр дахь үйлдвэрийг Налайх дүүрэгт барих шийдвэр гаргасан. Энэ хүрээнд өнөөдөр сайжруулсан шахмал түлшний шинэ үйлдвэрийн суурийг тавих ёслолын ажиллагаа боллоо.
Үйлдвэрийн барилгын ажлыг энэ хавраас эхлүүлж байгаа бөгөөд ирэх өвлөөс өмнө ашиглалтад оруулахаар төлөвлөж буй юм. Шахмал түлшний хоёр дахь үйлдвэр ашиглалтад орсноор Улаанбаатар хотын зүүн хэсгийг сайжруулсан түлшээр хангаж, Нийслэлийн агаарын бохирдол 70-80 хувь, Налайх дүүргийн утаа 50-70% буурна гэж үзэж байгаа аж. Мөн тус 1500-1700 ажлын байр бий болж, үйлдвэр өдөрт зургаан мянган тонн түлш үйлдвэрлэх боломжууд бүрдэнэ гэх тооцололтой байна.
Э.Сувдаа
