Малайзын цагдаагийн албан хаагч хоёр Монгол бүсгүйг хүчирхийлсэн хэргээр баривчлагдсан байна.
Тодруулбал: Монгол улсын иргэн болох 20, 37 настай хоёр эмэгтэйг хөл хорионы дэглэмийг шалгах зорилгоор шалган дээр түр саатуулж, ойролцоох зочид буудал руу хүчээр авч явж, буудалд 24 цагийн турш хүч хэрэглэн хүчирхийлж, албадан хорьж байхад нь буудлын ажилтан мэдэгдэж, цагдаагийн тусгай ажиллагаа явуулж, баривчилсан байна.
Энэ талаар хэргийг шалгаж буй цагдаагийн ахмад Ник Эзаник Фейсал хэлэхдээ “Хоёр бүсгүй бичиг баримтгүйгээр тээврийн хэрэгсэл жолоодсон нь үнэн. Хэргийг үйлдсэн 30 орчим настай цагдаагийн ажилтныг баривчилсан. Одоо мөрдөн байцаалтын явц үргэлжилж байна. Хохирогч бүсгүйчүүд Малайз болон Англи хэл мэдэхгүй тул орчуулагчийн тусламжтай мэдүүлэг авсан. Мөн хэрэг болсон буудлын өрөөнд үзлэг хийж байгаа. Цагдаагийн албан хаагч ийм үйлдэл хийсэнд тун сэтгэл дундуур байна. Түүнд хуульд заасан хамгийн хатуу арга хэмжээг авах болно. Түүнчлэн энэ хэрэгт бид маш нухацтай хандана”
О.Гоо-Оюун
