Украины хойд хэсэгт сүүлийн хэдэн өдрийн турш шатаж буй ойн түймэр хүрээгээ тэлсээр Чернобылийн атомын цахилгаан станцын балгасанд ойртож иржээ.
Түймрийн гал хаягдсан хот Припятийн захад нэгэнт хүрсэн бол Чернобылийн атомын цахилгаан станцын хамгийн аюултай голомтод хоёр километр орчим зайтай ойртсон байна. Хэрвээ Припять хот түймэрт шатвал аялал жуулчлалын нэг гол бүтээгдэхүүнээ алдах аюул тулгараад байна.
Чернобылийн ойролцоох түймэр анх дөрөвдүгээр сарын 4-ний өдрөөс эхлэн шатсан бөгөөд түймрийн хамгийн том хэсэг нь 34,000 гектар талбайг хамарсан байна.
Э.Сувдаа