"Зөв амьдрах ухаан" ТББ-ын тэргүүн Г.Загдаа ХЭҮК-ийн дарга Ж.Бямбадоржийн "Гөлөгнүүдтэй гөлөг шиг харьцах хэрэгтэй" гэсэн утсаар ярисан бичлэгийг олон нийтэд цацсан юм. Улмаар төрд олон жил ажиллаж УИХ-ын гишүүн, УИХ-ын дэд дарга, Үндсэн хуулийн цэцийн даргын албыг хашиж байсан түүнийг иргэд шүүмжилж, төрийн албаны жинхэнэ дүр төрх хэмээн дүгнээд байсан юм. Иймд хүний эрхийн үндэсний комиссын дарга Ж.Бямбадорж өнөөдөр /2020.04.14/ ажлаасаа чөлөөлөгдөх хүсэлтээ УИХ-ын даргад өгчээ. Түүнийг чөлөөлөх асуудлыг 14.00 цагаас хуралдах Хууль зүйн байнгын хорооны хуралдаанаар хэлэлцэнэ.
О.Гоо-Оюун
