Шинэ коронавирусийн халдвараас урьдчилан сэргийлэх ажлын хүрээнд манай улс хөл хорио тогтоогоод байгаа. Энэ хугацаанд ахуйн хүрээний архидалт ихсэж байгаа талаар бид өмнө нь мэдээлсэн. Тэгвэл сүүлийн долоо хоногт гэмт хэргийн гаралт ч мөн адил нэмэгдэж өдөрт хүний амь нас хохирсон хэрэг 10 орчим, хүчиндэх гэмт хэрэг 2-3 удаа бүртгэгдэж байгаа талаар ЦЕГ- аас мэдээлж байна.
Энэ оны дөрөвдүгээр сарын 3-9 ны өдрүүдэд буюу сүүлийн долоо хоногийн хугацаанд хүний амь нас хохирсон 67 хэрэг бүртгэгджээ. Үүнээс хүчиндэх гэмт хэрэг долоо хоногт 16 бүртгэгджээ.
Тодруулбал: Дорнод аймгийн Хэрлэн сумын 1 дүгээр багт оршин суух эмэгтэй 14 настай С-ийг 43 настай эрэгтэй Ч удаа дараа хүчиндсэн хэргийг тус аймгийн Цагдаагийн байгууллага илрүүлэн шалгаж байгаа аж. Мөн Орхон аймгийн Баян-Өндөр суманд оршин суух 25 настай эрэгтэй Б нь 14 настай эмэгтэй М-г хүчиндсэн хэрэг гарсан байна.
Э.Сувдаа
