"Нэхүүл" хөдөлгөөний Ерөнхий зохицуулагч Л.Отгонбат өнөөдрөөс эхлэн Д.Сүхбаатарын талбай дээр хуурай өлсгөлөн зарлалаа. Энэ тухай тус хөдөлгөөнөөс дараах мэдэгдлийг гаргасан байна.
"...Бид 2020 оны 03 сарын 02-ны өдөр Монгол Улсын Ерөнхийлөгч Х.Баттулгад хандан шүүхийн шинэчлэл хийж тодорхой нэр заасан хууль бус үйл ажиллагаа явуулдаг шүүгч нарыг солихыг шаардсан шаардлага хүргүүлсэн боловч өнөөдрийг болтол бидний шаардлага ажил болж хэрэгжихгүй байна. Ийм учраас “Нэхүүл” Хөдөлгөөн Шүүх Хуулийн Байгууллагын шинэчлэлийг шаардаж Сүхбаатарын талбай дээр 2020 оны 4 дүгээр сарын 15-ны өдрөөс эхлэн тэмцлийг эхлүүлж байна. Улс оронд гарсан нөхцөл байдлын улмаас жагсаж цуглах нь эрсдэлтэй байгаа учраас “Нэхүүл” Хөдөлгөөний зохицуулагч Л.Отгонбат Монгол Улсын Үндсэн хуулийн 16 дугаар зүйлийн 16-д заасан үзэл бодлоо чөлөөтэй илэрхийлэхийн дээд хэлбэр болох хуурай өлсгөлөнг хугацаагүйгээр зарлаж байгааг үүгээр мэдэгдэж байна"