Коронавирусийн тахалтай холбогдуулан АНУ руу ирэх бүх төрлийн цагаачдын урсгалыг түр зогсоохоор төлөвлөж байгааг тус улсын ерөнхийлөгч Дональд Трамп саяхан зарлалаа.
Тэрээр твиттер хуудсандаа “Нүдэнд Үзэгддэггүй дайсны халдлагын улмаас, бас аугаа Америкийн иргэдийн ажлын байрыг хамгаалах үүднээс би АНУ-д ирэх цагаачдын урсгалыг түр зогсоох шийдвэр гаргана!” гэж бичжээ. Гэхдээ Трамп хэзээ шийдвэрээ гаргах, хэр урт хугацаанд цагаачдыг хүлээж авахгүй байх тухай мэдээлэл өгөөгүй байна.
Одоогоор Вашингтоны засаг захиргаа коронавирусийн тархалтаас сэргийлэх үүднээс Европын Шенгений бүс, Хятад, Иран, Ирланд, Их Британийн иргэдэд хилийн хориг тавиад байгаа.
Эх сурвалж: Reuters
