Шинэ коронавируст халдвар буюу COVID-19 цар тахлын улмаас манай улс хөл хорио тогтоож сургалтын төвүүдийн үйл ажиллагааг түр зогсоогоод байгаа билээ.
Тэгвэл энэ хугацаанд түрээс, багш ажилчдынхаа цалин, зээлийн төлбөрөө өгч чадаагүйгээс 300 гаруй сургалтын төв дампуурсан байна.
Улмаар улсын хэмжээнд үйл ажиллагаа явуулдаг 1,100 гаруй сургалтын төвийн төлөөлөл болж 120 байгууллага нэгдэн УИХ-ын дарга Г.Занданшатар, Ерөнхий сайд У.Хүрэлсүх, Хөдөлмөр, нийгмийн хамгааллын сайд С.Чинзориг болон нийслэлийн Засаг дарга С.Амарсайхан нарт шаардах бичиг хүргүүлэхээр болсон байна.
Төр засаг бидний эдийн засгийн нөхцөл байдлын огт тоохгүй орхилоо. Саун, иога, фитнесийн төвүүдийг л нээж байгаа нь харамсалтай байна. Сайд нар хоорондоо уялдаа холбоогүй ажиллаж, судалгаа шинжилгээ хийхгүйгээр шийдвэр гаргаж байна. Хэрэв сургалтын төвийн үйл ажиллагааг нээхгүй бол ХНХЯ сайд С.Чинзориг сайдыг огцруулах хүртэл арга хэмжээг авна.
хэмээн сургалтын төвийн үйл ажиллагаа эрхэлдэг байгууллагуудын төлөөллүүд мэдэгдлээ.
О.Гоо-Оюун