Шинэ коронавируст халдвар буюу Covid-19 цар тахлын улмаас Монгол улсын Засгийн газар, УОК-ын шийдвэрээр гадаадад байгаа иргэдээ татан авч буй. Энэ хүрээнд тавдугаар сарын 1- нд тусгай нислэг үйлдэх бөгөөд шинэ бүртгэл Элчин сайдын яам дээр хийхгүй. Элчин сайдын яам өмнө нь ирсэн 9,000 гаруй өргөдлийг хүндэтгэн үзэх шалтгаанаар нь ангилж, нотлох баримтыг нэг бүрчлэн аваад, Шуурхай штаб дээр ирүүлсний дараа энд эцсийн шийдийг гаргана. Өөрөөр хэлбэл, ангилсны дараа баталгаажсан нэрсийг Шуурхай штаб дээр эцэслээд холбогдох элчин сайдын яамдад хүргүүлэх дарааллаар ажлууд хийгдэнэ. Солонгосоос тавдугаар сарын 1-нд хийгдэх нислэг нь зөвхөн БНСУ-д оршин суудаг, түр хугацаагаар байгаа иргэдэд боломж олгож байна.
Э.Сувдаа