Өчигдөр буюу Даваа гарагт АНУ-ын батлан хамгаалах яам “агаарын үл таних үзэгдэл” гэсэн тайлбартайгаар гурван хэсэг дүрс бичлэгийг олон нийтэд ил болгожээ. Тэдгээр дүрсийг 2004-өөс 2015 оны хооронд АНУ-ын зэвсэгт хүчний байлдааны нисэх онгоцноос бичсэн юм байна. Бичлэгүүдэд агаарт нисэж яваа үл таних биетүүд хурц гэрэл ялгаруулсны дараа асар өндөр хурдтайгаар холдон явж байгааг харуулжээ. Дээрх бичлэгүүд 2018 оны эхээр Пентагоны архиваас алдагдаж, нийтэд тарсан юм. Тухайн үед АНУ-ын батлан хамгаалах яам үндэсний аюулгүй байдлыг хөндөж буй шалтгаанаар тайлбар өгөхөөс татгалзаж байжээ. Харин энэ удаад эдгээр бичлэгүүдийг нууцлах шаардлагагүй болсон гэж дүгнэжээ.
Эх сурвалж: Reuters