Шинэ төрсөн хүүхдийг хятадуудад худалдаалдаг олон улсын бүлгийн үйл ажиллагааг Украины хууль сахиулагчид олж илрүүлсэн байна.
Тодруулбал: Украины тээгч эх хүүхэд төрүүлээд шууд “худалдаанд” шилжүүлдэг байна. Түүний төрсөн тухай баримт бичгийг худалдан авагчийн нэр дээр шилжүүлж бичээд, дараа нь хүүхдийг Украинаас авч гарах бичиг баримтыг нь бүрдүүлж өгдөг юм байна. Энэхүү гэмт ажиллагааг хувийн эмнэлгийн ерөнхий эмч украин эмэгтэй, түүний хүү хоёр удирдаж, украины хоёр иргэн, гурван хятад хүн оролцдог байна.
Энэ талаар тус улсын Дотоод хэргийн дэд сайд Антон Геращенко: Гэмт этгээдүүд үр тогтох, хүүхэд төрөх, хүүхдийг Украинаас гаргах бүхий л үйл явцын хууль ёсны баримт бичгүүдийг мөнгө амлаж байгаад бүрдүүлж чадсан байна. Өөрөөр хэлбэл украин эмэгтэйчүүдийн төрүүлсэн хүүхдийг Хятадад мөнгөөр худалдаж байна. Ийм байдлаар шинэ төрсөн хүүхдийн супермаркет бий болжээ хэмээн фэйсбүүк хуудсаараа дамжуулан мэдээлжээ.
О.Гоо-Оюун