Дэлхий дахинд Covid-19 цар тахлын тархалт, хамрах хүрээ улам нэмэгдсээр байна. Иймд Монгол улсын Засгийн газрын шийдвэрээр гадаадаас иргэдээ татан авч ирэх ажлыг үргэлжлүүлж буй.
Иймд энэ талаар УОК-ын дарга Ө.Энхтүвшин хэлэхдээ "БНСУ руу хоёр удаагийн нислэг үйлдэнэ. Мөн ОХУ-аас оюутнуудаа татан авна. БНСУ-аас ирэх иргэд шинжилгээнд хамрагдсан. Харин өөр орноос БНСУ”-аар дамжин ирж байгаа иргэд шинжилгээнд хамрагдаагүй. Тиймээс шинжилгээнд хамрагдсан, хамрагдаагүйгээр нь хоёр ялган зөөвөрлөж ирнэ. БНСУ руу олон удаа нислэг үйлдээд байгааг иргэд шүүмжилж байна. Тэнд олон иргэд байгаа. МИАТ-ийн онгоцоор нислэг үйлдэнэ.
Харин Энэтхэг Улс руу нислэг хийж чадахгүй. Тэнд байдал хүнд байна. Энэтхэг рүү нислэг хийгээч гэсэн санал хүсэлт их ирж байгаа. Гэхдээ тийм боломж алга. Мөн Австрали руу тусгайлан нислэг хийх боломж байхгүй"
О.Гоо-Оюун