УИХ-ын гишүүн Б.Ундармаа болон түүний нөхөр А.Ариунболд нарын эзэмшилд байдаг КАПИТАЛ банк дампуурж улсад их хэмжээний хохирол учруулсан юм.
Нийгмийн даатгал, Эрүүл мэндийн даатгалын чөлөөт үлдэгдэл болох 244.0 тэрбум төгрөгийг эхний ээлжид нөхөн төлүүлэх чиглэлээр Капитал банкны эзэмшигч нарын нэр дээр бүртгэлтэй хөдлөх болон үл хөдлөх хөрөнгө хувьцаануудыг битүүмжилж мэргэжлийн байгууллагаар хөрөнгийн үнэлгээ хийлгүүлсэн байна.
Капитал банк нь одоогоос жилийн өмнө дампуурлаа зарлаж, татан буугдсан бөгөөд тус банкинд төрийн данстай 340 орчим тэрбум төгрөг байршиж байсан. Мөн харилцагч 30 гаруй мянган иргэн 260 тэрбум төгрөгөөр хохирсон бөгөөд хохирогчдын 90 хувь нь 2017 онд хадгаламж нээлгэсэн тэтгэврийн иргэд байсан юм.
О.Гоо-Оюун