Шинэ коронавируст халдвар буюу Covid-19 цар тахлын улмаас Монгол улсын Засгийн газрын шийдвэрээр гадны оронд байгаа Монгол иргэдээ эх орондоо татан авчирж буй. Энэ хүрээнд тусгай үүргийн нислэгээр ирсэн иргэдээс тусгаарлах байрны мөнгө авч буй. Гэвч зарим иргэд төлбөрөө төлөхгүй асуудал үүсгэж буй талаар Онцгой байдлын ерөнхий газрын тэргүүн дэд дарга, бригадын генерал Г.Ариунбуян мэдээллээ.
Тэрээр "Хоёрдугаар сарын 1-нээс хойш 4,300 гаруй иргэнээ татан авсан. Тэдний 2,195 нь төлбөрөө төлснөөр 1.7 тэрбум төгрөг нь тусгаарлах байрны зардалд орсон. Харин 60 иргэн тусгаарлах байрны төлбөр 39.5 сая төгрөгийг төлөөгүй. БНХАУ-д ял эдэлж байсан төлбөрийн чадваргүй хүмүүс ч үүнд багтсан тул асуудлыг хэрхэн шийдвэрлэх талаар ярилцаж байна " гэв.
О.Гоо-Оюун