5 НАСТАЙ ХҮҮХЭД МАШИН БАРЬЖ ЯВААД СААТУУЛАГДЖЭЭ

2020-05-06  

Юта мужид 5 настай хүүхэд машин барьж яваад саатуулагджээ

Таван настай Адриан Эстрада хүү аав ээжийнхээ машиныг жолоодоод явж байхад нь Юта мужийн эргүүлийн цагдаа зогсоож саатуулжээ.

Машин цагт 50 км /30 миль/ хурдтай замын шугам давж явсан бөгөөд цагдаа жолоочид анхны тусламж хэрэг болсон бололтой гэж бодсон байна. Тэрбээр машиныг зогссоны дараа жолооны ард жаахан хүүхэд сууж байсанд үнэхээр цочирджээ. Хүү ээжээсээ доод тал нь 180 мянган долларын үнэтэй худалдаалагддаг тансаг зэрэглэлийн Ламборгини машин аваад өгөөч гэж гуйхад нь зөвшөөрөөгүй тул өөрөө авах гээд явж байсан гэнэ.

“Адриан хүү хэтэвчиндээ гуравхан доллартай байсан. Хүү Калифорни явж өөртөө машин худалдаж авахаар шийдсэн байж” хэмээн Юта мужийн хурдны замын эргүүлийн цагдаагийн газар Твиттертээ мэдээлсэн байна.

Цагдаа хүүг хараад “Чи хэдэн настай вэ? Таван настай юу?” гэж асууж байгаа нь цагдаагийн машины хар хайрцгийн бичлэгт үлджээ. Хүү дөрөөнд хөлөө хүргэхийн тулд суудлын ирмэгт суусан байжээ. Тэрбээр гэрээсээ гараад таван минут орчим явсан байна. Уг явдлын улмаас хэн ч хохироогүй аж. Гэлээ ч орон нутгийн хууль хяналтын байгууллагаас эцэг эхэд нь хариуцлага тооцох эсэхийг шийднэ.

 

О.Гоо-Оюун

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
Таны бодлоор Ц.Элбэгдорж муу хүн үү?