ОХУ-ын Батлан хамгаалахын сайд Сергей Шойгу Монгол Улсын Батлан хамгаалахын сайд Нямаагийн Энхболдыг Ялалтын 75 жилийн ойн баярт оролцохыг урьжээ. Гэвч коронавируст халдварын улмаас ялалтын баярын арга хэмжээ хойшлогдсон. Энэ талаар ОХУ-ын Батлан хамгаалахын сайд Сергей Шойгу хэлэхдээ " Коронавирусний цар тахал дэгдэх аюул арилсны дараа буюу оны эцэс гэхэд 5 дугаар сарын 9-нд хийхээр төлөвлөж байсан арга хэмжээгээ бид явуулах болно. Аугаа ялалтын 75 жилийн ойн баярт танийг биечлэн оролцож, ялалтын баярын жагсаалд цэргийн бүрэлдэхүүнээ илгээнэ гэж бид найдаж байна. Механикжсан цуваанд “Хувьсгалт Монгол” гэсэн бичиг бүхий Т-34 танк багтсан " гэлээ.
О.Гоо-Оюун
