Дуучин С.Гантогоо дөрөвдүгээр сарын 18-ны өдөр ЭХЭМҮТ-ийн Хүүхдийн эмнэлгийн эргэлтийн хэсгийн зургийг өөрийн нүүр хуудсанд байршуулж, шүүмжлэлт байр сууриа илэрхийлсэн юм. Зургууд дээр ханын будаг, шохой нь хуурч унасан, хуучирч муудсан барилгын дотоод засал харагдаж байв.
Удалгүй С.Гантогоо ЭХЭМҮТ-ийн удирдлагуудтай уулзсан байдаг. Ингээд, “Алдаа дутагдлаа залруулах нь бидний үүрэг, санал гомдлоо шууд хэлсэнд баярлалаа” хэмээн уриалгахан хандсаныг тэр мэдээлсэн.
Тэгвэл тус эргэлтийн хэсэг засварт орж, өөрчлөгджээ. Энэ тухай С.Гантогоо өөрийн нүүр хуудсанд, “Эх нялхасын нөгөө хаалга, эргэлтийн хэсэг ийм гоё болжээ. Сэтгэл маш их хөдөллөө. Алдаа дутагдлаа тэр дор нь засаж, залруулна гэдэг маш том ухамсар, соёл. Аян өрнүүлье гэхэд алийн болгон ард түмнээрээ янзлуулах вэ гэсэн шүү” хэмээн бичжээ.
Э.Сувдаа
