Visual Capitalist сайт гар утасны 1GB хэмжээтэй дата хэрэглээний үнэ тариф дэлхийн улс орнуудад ямар хэмжээтэй байгааг сүүлийн байдлаар дүрсэлж харуулжээ.
Ингэхдээ дэлхийн 155 орныг харьцуулж, жагсаахад Монгол улс $0.74 орчим үнээр хамгийн хямд дататай орнуудын 23 дугаарт жагссан байна.
Дэлхийд хамгийн хямд дататай орноор Энэтхэг шалгарч, араас нь Израйль, Киргиз, Итали, Украин эхний тавд багтжээ.
Харин хамгийн өндөр үнэтэй таван оронд Малави, Бенин, Чад, Йемен, Ботсвана гэсэн голдуу Африкийн улсууд багтсан байна.
Хамгийн өндөр тарифтай Малави улсад 1GB датаг $27.41 oрчмоор худалддаг ажээ.
Дэд бүтцийн сул дорой хөгжил нь эдгээр орнуудад үнэ тариф өндөр байх гол хүчин зүйл гэж мэргэжилтнүүд дүгнэж байна.
