У.Хүрэлсүхийн дэвшүүлсэн, МАН-ын Удирдах Зөвлөл дэмжсэн Цогтбаатарыг Эрүүл мэндийн сайдаас хөдөлгөж, түүний оронд Сарангэрэл өөрийн залгамжлагчийг томилуулж амжлаа. Эрүүл мэндийн сайдаар томилогдсон Мөнхсайхан нь Гэмтлийн эмнэлэг, Улсын Клиникийн Нэгдүгээр Эмнэлгийн даргаар тус бүр нэг нэг жил ажиллаж байсан удирдах ажлын богинохон туршлагатай аж.
Эмнэлгийн дарга нар дундаас Сарангэрэлтэй хамгийн ойрын харьцаатай байсан гэж тус салбарынхан "атаархангуй" хэлдэг. Нэгдүгээр Эмнэлгийн даргаар томилогдсон нэг жилийн хугацаанд Нэгдүгээр эмнэлгийг орчин цагийн эмнэлгийн төвшинд зоригтой шинэчилж чадсан гэж ажилтнууд нь дүгнэдэг. Эр хүний дотор эмээлтэй, хазаартай морь багтана гэдэг шиг Мөнхсайханы дотор Эрүүл мэндийн сайд багтаж байсан гэдэг. Түүний хүсэл биелж, Мөнхсайхан Эрүүл мэндийн сайдаар томилогдлоо. Тэрбээр Хүчит шонхор захыг эзэмшдэг чинээлэг нэгэн аж. Ийнхүү ерөнхий сайд У.Хүрэлсүхийг " давсан" сайдаар Сарангэрэл тодорлоо.
Ц.ЭНХБАТ