С.БАЯРЦОГТ, ДА.ГАНБОЛД, Б.БЯМБАСАЙХАН НАРЫН ШҮҮХ ХУРАЛ ҮРГЭЛЖИЛЖ БАЙНА

2020-07-09  

Оюутолгой төсөл болон Дубайд зурагдсан гэрээтэй холбогдуулж, Сангийн сайд асан С.Баярцогт, "Эрдэнэс Оюутолгой" компанийн захирал асан Да.Ганболд, "Эрдэнэс Монгол" компанийн захирал асан Б.Бямбасайхан нарыг шүүх хурал өнөөдөр дөрөв дэх өдрөө үргэлжилж байна. Шүүх хурал нийслэлийн Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд болж буй юм. Долдугаар сарын 6-нд шүүх хурал эхлээд удалгүй энэ хэрэгт хамт шүүгдэж байсан Ерөнхий сайд асан С.Баяр, Ч.Давааням нарын хэргийг тусгаарласан. Мөн С.Баярцогт, Да.Ганболд, Б.Бямбасайхан нарт авсан байсан цагдан хорих арга хэмжээг өөрчилж, батлан даалтад гаргасан юм.

Б.Бямбасайханы өмгөөлөгч Н.Цогт шүүх хурлын явцын талаар мэдээлэл өгөх үеэрээ "Ерөнхий сайд асан Ч.Сайханбилэгийг энэ хуралд оролцуулахгүйгээр хамжигч гэж хэдэн хүн авчраад шүүх хурал хийх нь учир дутагдалтай байна. Миний үйлчлүүлэгч Б.Бямбасайхан УИХ, Засгийн газраар дэмжиж, батлагдсан гэрээг биелүүлж,  ажлаа хийсэн хүн" хэмээн байр сууриа илэрхийлсэн юм.

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ТА ШИНЭ ЗАСГИЙН ГАЗРЫН БҮРЭЛДЭХҮҮНД СЭТГЭЛ ХАНГАЛУУН БАЙНА УУ?