Өнгөрсөн бямба гараг буюу наймдугаар сарын 22-ний өдөр 16.30 цагийн үед Сонгинохайрхан дүүрэгт зургаан настай хүүхэд хүчирхийлүүлсэн гэх дуудлага цагдаагийн байгууллагад иржээ.
Тодруулбал, гэмт этгээд нь хохирогч охины бүл ах бөгөөд охиныг “Дэлгүүрээс гоё юм авч өгье, чихэр авч өгнө” хэмээн хуурч мэхлэн, дагуулан явж, эзэнгүй амбаарт хэргийг үйлдсэн нь эд мөрийн болон бусад нотлох баримтаар тогтоогдсон аж.
Сонгинохайрхан дүүргийн Цагдаагийн газрын нэгдүгээр хэлтсийн мөрдөгч, дэслэгч О.Мөнхжаргал, эрүүгийн мөрдөгч, дэслэгч Т.Бэлгүтэй нар хэргийн газарт ажиллаж, гэмт этгээдийг шуурхай илрүүлсэн байна.