Технологийн дэвшил ашиглан уурхайчид гэрээсээ ажиллах боломжтой болсон талаар Хятадын CCTV мэдээлжээ.
Эх сурвалжийн мэдээлснээр, China Molybdenum компани Сандаожуан уурхай дээр 5G технологи ашигласнаар уурхайчид гэрээсээ хүнд хүчир ажлыг амархан гүйцэтгэх боломжтой болсон гэнэ. 5G технологийн тусламжтайгаар уурхайчид алсын зайнаас төхөөрөмжийг удирдан, өндөр хурдтай, зардал багатайгаар ажиллах нөхцөл бүрджээ. Ингэснээр уурхайчид дэлгэцээр шууд холбогдон газар дээр нь нарийн чимхлүүр ажлуудыг алсаас холбогдон гүйцэтгэх болсон байна.
Энд дуулгахад, 5G технологийн хөгжлөөр Хятад улс тэргүүлдэг бөгөөд тав дахь үеийн сүлжээг нэвтрүүлж байгаагаа өнгөрсөн жил зарлаж байлаа. Энэ технологи нь "ухаалаг" хот, нисэгчгүй автомашин зэрэг олон төрлийн шинэ технологиудыг амжилтай ашиглах гол нөхцөл болох мэдээллүүдийг асар хурдтайгаар дамжуулах боломжийг олгодог аж. Хятадад 5G технологийг 2020 онд л нэвтрүүлж эхэлнэ гэж тооцоолж байсан ч хугацаанаасаа өмнө буюу 2019 оны 11 дүгээр сард энэ дэвшилтэт технологийг ашиглаж эхэлсэн юм.
