АНУ-ын эрх баригчид эмх замбараагүй байдалтай тэмцэх шуурхай штаб байгуулна гэж тус улсын Ерөнхийлөгч Дональд Трамп хэвлэлийн бага хурлын үеэр мэдэгджээ.
Түүний хэлснээр, энэ төвийг Хууль зүйн яам, Дотоодын аюулгүй байдлын яам хамтран "зүүний үзлийг баримтлагч иргэдийн эмх замбараагүй байдал" -тай тэмцэх зорилгоор байгуулах аж.
"Бид хүчирхийллийг тэвчихгүй, анархизмыг ч тэвчихгүй" гэж Трамп хэлсэн байна. Тэрбээр мөн Ардчилсан намаас ерөнхийлөгчийн сонгуульд нэр дэвшигч Жо Байденыг үймээн самуун, эвдлэн сүйтгэх ажиллагааг "ёс суртахууны хувьд дэмжиж" байна гэж буруутгав.
“Байданы стратеги” бол зүүний үзлийг баримтлагч олон түмэнд бууж өгч, АНУ-ын эрх мэдлийг хянах бүх хөшүүргийг тэдэнд өгөх юм" гэж Трамп хэлсэн байна. Тэрбээр үүнийг "фашизм" -тай зүйрлэжээ.
Эрх баригчид нь очихгүй байхыг уриалсан хэдий ч Трамп эмх замбараагүй байдалд автсан Кеноша хотод мягмар гарагт очихоор төлөвлөсөн байна.
Эх сурвалж: ВАШИНГТОН. /RIA Novosti/.