Тэр Монголын улс төр дэх өөрийн байр суурийг бэхжүүлэхийг алхам тутамдаа санаархаж байна. Тамгын газрын дарга З Энхболд, зөвлөх Д.Үүрийнтуяа, Д.Хулан, Г.Уянга, Пүрэвбаатар нарыг бүгдийг нь УИХ-ын сонгуульд сойсон. Харамсалтай нь тэдний хэн нь ч ялалт байгуулж чадаагүй. Түүний оролцоо, нөлөө дэмжлэг дор үүсэн байгуулагдсан ШИНЭН нам ч сонгуулиас ганзага хоосон ирсэн нь ерөнхийлөгчийн урмыг хугалсан. Тиймээс тус намын дарга Л.Болдыг өөрийн зөвлөхөөр томилсон.
Энэ бүхний дараа АН-ыг л сайн тордох ёстой юм байна гэх бодол түүнд давамгайлах болсны илрэл нь зөвлөх Пүрэвдавааг АН-ын нийслэлийн даргаар томилсноос харагдана. Одоо түүнд л найдвар тавьж байна. Хотод ялалт байгуулах, эс чадваас нийслэлийн гол гол дүүрэгт ялалт байгуулах нь Х.Баттулгын тун ойрын зорилго болжээ. Тиймээс ч бүхий л талаар МАХН, түүний дарга Н.Энхбаярыг аль болох "аргадах тактик"-ийг тэрбээр барих болсон байна.
Тэр босон суун санасандаа хүрэхийг мэрийж байна. Хамгийн түрүүнд АН-ыг өөрийн болгох, бусад намыг дуулгавартай болгох, ирэх оны сонгуульд сонгогчдын дийлэнхийн саналыг татах бол түүний гол зорилго юм.