ВАН И ШХАБ-ЫН УУЛЗАЛТАД ОРОЛЦОЖ, МОНГОЛ ЗЭРЭГ ДӨРВӨН ОРОНД АЙЛЧИЛНА

2020-09-10  

БНХАУ-ын Төрийн Зөвлөлийн гишүүн, Гадаад хэргийн сайд Ван И ОХУ-д болох Шанхайн хамтын ажиллагааны байгууллагын /ШХАБ/ Гадаад хэргийн сайдын нарын зөвлөлийн уулзалтад оролцож, ОХУ, Казахстан, Киргиз, Монгол Улсад есдүгээр сарын 10-16-нд айлчилна гэж БНХАУ-ын Гадаад хэргийн яам лхагва гарагт мэдээлэв.

Гадаад хэргийн яамны хэвлэлийн төлөөлөгч Жао Лижянийн мэдээлснээр, Ван И ШХАБ-ын гишүүн орнуудын Гадаад хэргийн сайд нартай “COVID-19” цар тахал дэгдээд буй энэ үед хамтын ажиллагааг хөгжүүлэх талаар хийгээд олон улсад болон бүс нутагт тулгамдаж буй асуудлуудын талаар санал бодлоо солилцох ажээ.

Мөн Ван И Гадаад хэргийн сайд нартай хоёр талын уулзалт хийх бөгөөд Хятад, Орос, Энэтхэгийн Гадаад хэргийн сайд нар хамт үдийн зоог барина гэж Жао Лижянь мэдээлсэн байна.

БНХАУ-ын Гадаад хэргийн сайд ОХУ-д айлчлах үеэрээ тус улсын Гадаад хэргийн сайдтай хэлэлцээ хийж, хоёр талын харилцаа болон олон улсын, бүс нутгийн асуудлуудаар санал бодлоо солилцох ажээ.

Мөн Ван И Казахстан, Киргиз, Монголын удирдагчидтай уулзаж, тэдгээр орны Гадаад хэргийн сайд нартай уламжлалт найрсаг харилцааг өргөжүүлэх, цар тахалтай тэмцэх хамтын ажиллагааг бэхжүүлэх, олон салбарын хамтын ажиллагааг гүнзгийрүүлэх, “Бүс ба Зам” санаачилгыг өндөр түвшинд хамтран хөгжүүлэх, олон улсын асуудлуудыг зохицуулах чиглэлд хамтын ажиллагаагаа бэхжүүлэх талаар хэлэлцэнэ гэж Жао Лижянь мэдээлжээ. 

 

Эх сурвалж: БЭЭЖИН. /Xinhua/

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
Таны бодлоор Ц.Элбэгдорж муу хүн үү?