Хотод МАН 34 суудал авч олонхи хэвээрээ үлдлээ. 45 суудлын 34--ийг авсан МАН нийслэлийг хэнээр удирдуулахыг тун удахгүй шийдэх үлдлээ. Ажил мэргэжлийн туршлагаас харвал НИТХ-ын даргаар 2018-2020 оны хооронд ажиллаж байсан Р.Дагва, хотын даргын үүргийг сүүлийн 6 сар түр орлон гүйцэтгэсэн Ж.Батбаясгалан нараас өөр кандидат харагдахгүй байна. Хотыг Сумьяабазар өөрийн мэдэлдээ авч үлдэнэ гэвэл Сонгинохайрхан дүүрэгт ялалт байгуулсан Дагвыг илүү дэмжих нь тодорхой.
Ж.Батбаясгалан өнгөрсөн 6 сарын хугацаанд Хотын даргын орлогчоор ажиллахдаа нийслэлийн иргэдийн бухимдуулсан замын түгжрэлийн асуудлыг шийдэж чадаагүй. Хот анх удаа"Тэг" зогсолтыг түүхэндээ үзсэн. Нийслэлийн гол асуудал, нийслэлчүүдийн толгойны өвчин "Замын түгжрэлийг " шийдэх чадамжгүй байсан нь Батбаясгаланг хотын дарга хийж чадахгүйгээ харуулсан. Ийм хүнээр нийслэл хотоо удирдуулж, "Тэг" зогсолтод дахин дахин орж, өдөр ажлаа амжуулж, орой гэртээ харьж чадахгүй байхыг хэн хүсэх билээ. Түгжрэлийг бууруулж, нийслэлийн замын хөдөлгөөний асуудлыг нэн тэргүүнд шийдэж чадах л хүн хотын даргаар ажиллах учиртай. Түгжрэлийг 50 хувь бууруулна гэдэг хөтөлбөртэй орсон ХҮН намаас НИТХ-д сонгогдсон. Тэдний төлөөлөгчдөөс Хотын орлогч даргыг сонгож, асуудлаа шийдэхэд нь тусламж авахыг МАН зөвшөөрөх үлджээ
