2020 оны орон нутгийн сонгуулиар Увс аймагт Ардчилсан нам анх удаа ялалт байгуулж олонхи болсон. ИТХ-ын 41 суудлын 19-ыг АН, 17-г МАН, 5-ыг бие даагчид авсан учир АН аймагтаа дангаараа эрх барих боломж дутсан юм. Тиймээс АН-ын бүлэг бие даагч 5 төлөөлөгчтэй эвссэн байна. Аймгийн ИТХ-ын 8 дахь удаагийн сонгуулийн анхдугаар хуралдаанаар Увс аймгийн ИТХ-ын даргаар бие даагч Цэвээний Батболдыг сонголоо.
Батболд нь 2013-2017 онд Увс аймгийн МАН-ын дэд дарга, 2015-2016 онд Увс аймгийн МХГ-ын дарга, 2016 оноос Увс аймгийн ИТХ-ын төлөөлөгч, 2016-2017 онд Увс аймгийн засаг даргын орлогч зэрэг албыг хашиж байгаад бие даан сонгогдсон, эмч мэргэжилтэй, хувийн оношлогооны "Онош" төвийн захирал юм байна. Эвслийн зүгээс Увс аймгийн Засаг даргад аймгийн АН-ын хорооны дарга Ч.Чимидийг аймгийн Засаг даргаар сонгохоор санал оруулсан байна.