Нийслэлийн удирдах ажилтны шуурхай зөвлөгөөн болж байна. Зөвлөгөөний үеэр Замын хөдөлгөөний төлөвлөлт, зохицуулалт, инженерчлэлийн газрын дарга С.Энхтөр Улаанбаатар хотын түгжрэл, түүнийг хэрхэн бууруулах арга замын талаарх мэдээлэл хийсэн юм. Тэрээр
Түүний танилцуулгын дараа Улаанбаатар хотын захирагч, Нийслэлийн засаг дарга Д.Сумъяабазар "Орон нутгаас Улаанбаатарт хичнээн хүн ирж таксинд явах нэртэйгээр халтуур хийж байна вэ. Үүний ард хулгай дээрэм, хүчирхийллийн гэмт хэрэг гарч, тэд татвар төлөхгүй, түгжрэлийг үүсгэж байна.
Би сонсоход орон нутгаас 247 мянган иргэн Улаанбаатарт ирж, 35-45 хоногийн хугацаанд энэхүү сайн дурын ажлаа эрхлээд буцдаг байна. Үүнээс болж гэтм хэрэг гарч байна, атвар төлөхгүй байна мөн түгжрэл үүсгэж байна. Тэдний нарийн тоо надад хэрэгтэй байна, үүнд онцгой анхаарч, танилцуулга хийгээрэй.
Гудамжинд нус, цэрээ хаян бие засаж хотын соёлыг үгүй хийж байгаа нь камерт бичигдсээр байна. Тэдний тоог нарийн гаргаад, оруулахгүй байх хэрэгтэй шүү дээ. Бид өөрсдөө автомашин, түгжрэлээ яая даа гэж байхад тэд орж ирэн даац хэтрүүлнэ. Хулгай дээрэм, хүчирхийлэл, хүний амь нас хохирсон гээд эзэн холбогдогч нь илрэхгүй гэмт хэрэг их гарч байна. Ер нь түгжрэлийг хэдий хугацаанд ямар шат дараалалтайгаар шийдвэрлэх тодорхой зүйлс хэрэгтэй байна" гэж хэллээ.