Нийслэл хотын авто машины түгжрэлийн асуудлыг хамгийн түрүүнд шийднэ гэж Хотын даргын суудалд тухалсан Сумьяабазар хэлсэн. Түүний үзэж буйгаар хотын түгжрэлийн гол буруутан нь эрх баригч намын баримталж ирсэн буруу бодлого биш, амьдралын мөр хөөсөн хөдөөнийхөн болж таарлаа. Татвар тушаадаггүй, орлогоо нуудаг тэр хүмүүсийг сайтар судлах үүргийг хотын дарга Нийслэлийн удирдах ажилтны шуурхай зөвлөгөөний үеэр Сумьяабазар үүрэгдлээ. Орон гэр, эхнэр хүүхдээ орхин орхин 30-45 хоногоор такси барих зэргээр амь зуулгын мөнгө олж, ар гэрээ тэжээж буй монголчуудыг хотын дарга " ад үзлээ".
Хотын түгжрэл тэднээс л болж буй гэнэ. Бас гэмт хэрэг, хулгай дээрэм ч тэднээс үүсэлтэй гэх санааг ч Сумьяабазар цухуйлгалаа. Түүнийг судалж, нарийвчилсан тоо гаргаж ирэхийг даалгалаа. Энэ юу гэсэн үг, яах гэсэн далд санаа байж болох вэ? Тэдний нарийн тоо надад хэрэгтэй байна, үүнд онцгой анхаарч, танилцуулга хийгээрэй гэж тэр хэллээ. Орон нутагт ажлын байх хумигдсан. Бэлэн мөнгөтэй хүн ховордсон. Ард иргэд өөрөө өөрсдийгөө л авч явж байна. Хэдэн арван жил зүтгэж зүтгэж хураасан ч юм үгүй тэтгэвэрт гардаг. Тэр тэтгэвэр нь амьдралд хаанаа ч хүрэлцдэггүй. Аргагүй л халтуур хийх буюу, нэмэлт орлогын эрэлд мордож байна. Энэ бол төр засгийн алдаатай бодлогын хор уршиг. Үүнийгээ засахын оронд хөдөөний гэх монголчуудыг ад шоо үзэх үзлийг Сумьяабазар дарга дэвэргэлээ. Ийм л ёс зүйтэй аварга, ийм л үзэл бодолтой хотын даргыг МАН-аас "чулууджээ". Мөн өнгөц бодолтой хүн юм даа, Сумьяабазар аварга.
Ц.ЭНХБАТ