Энэ сарын 29-нөөс Цагдаагийн ерөнхий газрын Экологийн цагдаагийн албанаас "Тамхины хоггүй хотыг бүтээе" аяныг эхлүүлж байна. Тиймээс зөрчлийн тухай хуулийн дагууолон нийтийн газарт тамхи татсан, тамхины ишээ зориулалтын бус газарт хаясан иргэнд торгууль ногдуулах арга хэмжээ авч, машины цонхоор тамхины ишээ хаясан иргэнийг 10-50 мянган төгрөгөөр торгохоор болжээ.
Улаанбаатар хотын иргэдийн 700 мянга нь тамхийг өдөр тутмын хэрэглээ болгож, өдөрт Улаанбаатар хотод 3.5 сая ширхэг тамхины ишний хаягдал байдаг гэх судалгаа бий.
Иргэд олон нийтийн газар тамхи татахдаа зориулалтын тамхины цэгт татаж, ишийг нь ил задгай хаяхгүй мөн машины цонхоор тамхины ишээ хаяхгүй байхыг цагдаагийн байгууллагаас анхааруулж байна. Энэхүү ажлын хүрээнд иргэдэд машиндаа хэрэглээд явах тамхины хогийн савыг эхний ээлжинд 10 мянга гаруйг иргэдэд үнэгүй тараахаар болжээ.
