Алжирын Ерөнхийлөгч Абдельмажид Теббун коронавирусээр халдварласан тухай түүний засаг захиргааны хэвлэлийн алба мэдээлсэн байна.
Түүний биеийн байдал сайжирч байгаа тухай мэдэгдэлд дурджээ. Засаг захиргааных нь болон засгийн газрын хэд хэдэн ажилтнаас коронавирус илэрснээс хойш таван хоногийн дараа буюу 10 дугаар сарын 24-нд Теббун сайн дураараа өөрийгөө тусгаарлажээ. Удалгүй тэрбээр эмнэлэгт хүргэгдсэн бөгөөд аравдугаар сарын 28-нд эмч нарын зөвлөснөөр нарийн шинжилгээ хийлгэхээр Германыг зорьсон байна.