Засгийн газар өнөөдөр 21.30 цагаас ээлжит бусаар Төрийн ордонд хуралдаж байна.
Хуралдаанаар УОК-ын хэлэлцсэн асуудлын санал, дүгнэлтийг танилцуулж шийдвэр гаргах юм. УОК-ын хуралдаан дөнгөж сая дууссан бөгөөд коронавирусний нөхцөл байдал, түүнтэй тэмцэх арга хэмжээний асуудлаар хэлэлцсэн. Хуралдааны шийдвэрийн талаар Засгийн газрын хуралдааны дараа нэгдсэн мэдээ өгнө хэмээн Засгийн газрын Хэвлэл мэдээлэлтэй харилцах хэлтэс мэдээллээ.
Хуралдааны шийдвэрийн талаар эргэн дэлгэрэнгүй мэдээлэх болно.
Ташрамд дурдахад, тусгаарлагдаж байгаад гэртээ гарсан байсан олон улсын тээврийн жолооч болон түүний гэр бүлийн хүнээс коронавирусний халдвар илэрсэн тул УОК өнөөдөр буюу 11 дүгээр сарын 11-нээс эхлэн гурав хоног нийслэлд хөл хорио тогтоогоод байна. Улмаар тээврийн жолоочийн ойр байсан 24 иргэнээс шинжилгээ авахад 2 хүнээс коронавирус илэрсэн юм.
Эх сурвалж: МОНЦАМЭ
