21 хоногийн тусгаарлалтаас гэрийн ажиглалтад шилжээд байсан тээврийн жолооч болон гэр бүлийн хүнээс нь ковид 19 халдвар илэрч, лабораторийн шинжилгээгээр батлагдсан байна. Мөн ХӨСҮТ-ийн 27 настай эмч ковид туссаныг Нямхүү хэллээ. УОК яаралтай хуралдаж, нийслэл Улаанбаатар хотын хэмжээнд гурав хоногийн хөл хорио тогтоох шийдвэр гаргасныг шадар сайд Содбаатар өнөөдөр мэдэгдэв. Энэ гурав хоногт халдвар авсан хүмүүсийн хавьтлыг тогтоох, тандалт судалгаа хийх юм байна. Улсын онцгой комиссоос дорхи шийдвэрийг гаргалаа:
Улаанбаатар хотоос гарах хөдөлгөөнийг хязгаарлах, орох хөдөлгөөнд ямар нэгэн хязгаарлалт тавихгүй -Бүх төрлийн үзвэр үйлчилгээ, баар цэнгээний газрын үйл ажиллагааг зогсоох -Бүх шатны сургууль цэцэрлэгийн үйл ажиллагааг өнөөдрөөс гурав хоногийн хугацаанд цуцлах -Нийтийн тээврийн үйлчилгээнд зохицуулалт хийх, өглөө 06-10 орой 17-21 буюу ажил цуглах, тарахад цагт иргэдэд үйлчлэх юм байна.