Оюу толгойн гэрээг эрх барьж байсан, баталсан хүмүүс бүгд хамгаалдаг. Ганц Сайханбилэг ч биш. "Ерөнхий сайд С.Баяр, ерөнхий сайд Сүхбаатарын Батболд, сангийн сайд С.Баярцогт, ерөнхийлөгч Ц.Элбэгдорж, Эрдэс баялгийн сайд Д.Зоригт, Байгаль орчны сайд Лүүмэдийн Гансүх гээд МАН, АН-ын хамтарсан Засгийн газрын дарга сайдаар ажиллаж байсан хүмүүс бүгд л улаан нүүрээ ширлээд цээжээрээ хамгаалдаг. Энэ нэрс дээр тухайн үеийн ИЗН-ын дарга С.Оюуны ч нэр нэмэгдэж хөвөрдөг. Тэрбээр хуульд засвар хийх "хажуугийн санал" гаргаж байсан. Асуудлын гол нь гаргасан шийдвэрийнхээ хариуцлагыг хүлээж сур.
Солонгосын ерөнхийлөгч асан эмэгтэй Пакаас суралц. Албан тушаалд томилогдох болохоороо үхэн хатан зүтгэдэг шигээ байцгаа. Шоронд орох болохоороо л өвчин эмгэг тоочоод гоншигноод байдгаа боль. Сайханбилэг, Пак Гын Хэ хоёрын тоон үзүүлэлтийг харьцуулъя Сайханбилэг. Монгол улсын ерөнхий сайд асан. АН. Нас 51. Эр. АНУ-д орогнож буй. Пак Гын Хэ. Солонгос улсын ерөнхийлөгч асан. 68 настай. Эм. Солонгосын шоронд ял эдэлж буй.
Одоо хоёр зургийг харьцуулъя. Эхний зураг : Залуу комсомольч, хожимын Монгол Улсын Ерөнхий сайд Чимэдийн Сайханбилэг гэдэг энэ нөхөр УИХ-д дэвших бүртээ шилэн кабель, компьютер, Мега төсөл, Японд гаргах дижиталь электрон деталь ч гэх шиг үлгэр зохиосон. Дубайн гэрээг үзэглэнэ гэж Рио-Тинтогийн дэд захирлын гэрт оройн "хоол идэж" ирээд Засгийн газраа хөмөрч ерөнхий сайд болсон этгээд. Эмчилгий хийлгэх нэрээр Цагдаа, АТГ, хуулийн байгууллагаас зугтаж, "эх орноосооо урван харийн гүрэнд шингэх гэж байгаа хулгайч"-ийн зураг.
Энэ зурагт буй хүүхэн бол Бүгд Найрамдах Солонгос Улсын ерөнхийлөгч асан Пак Гын Хэ. Хоёрхон жилийн өмнө 66 насандаа Шүүхээс 32 жилийн ял" авахдаа:
-Хэрвээ намайг Солонгосын ард түмэн ингэж,үзэн ядаж шийтгэж байгаа бол би давж заалдахгүй, өршөөл гуйхгүй гэж хэлээд ялаа эдэлж байгаа гүргэр эмгэн.
Тэгвэл өдгөө дөнгөж 51 настай, ерөнхий сайд байхдаа хэвтээгээс штанг шахаж эрүүл гэдгээ " онгирон" харуулж байсан Сайханбилэг гэж " хулгайч" дэлхийд ингэдэг , тэгдэг гэж мэдэмхийрэн зааж, "худлаа ярьдаг" мөртлөө Солонгосын 68 настай энэ "эмгэнээс долоон дор хөгийн, хогийн амьтан" аж. Энэ нийтлэлийг " хулгайч, урвагч" ерөнхий сайд Сайханбилэгийн үр ачийг нь үзтэл тарааж өгөөрэй. Урвагчид өршөөл байх учиргүй.
