ОРОС, МОНГОЛ ХЭВЛЭЛ МЭДЭЭЛЛИЙН ХЭРЭГСЛҮҮДИЙН МЕДИА ЧУУЛГАН

2020-12-11

2021 онд Монгол Улс, ОХУ-ын хооронд дипломат харилцаа тогтоосны 100, Монгол хүн сансарт ниссэний 40 жилийн ой тохиож байна. Түүхэн ойг тохиолдуулан Оросын шинжлэх ухаан, соёлын төвөөс санаачлан Монголын сэтгүүлчдийн нэгдсэн эвлэлтэй хамтран Орос-Монголын хэвлэл мэдээллийн хэрэгслүүдийн Медиа чуулганыг “Найрсаг хөршүүд-хил хязгааргүй яриа” сэдвийн дор энэ сарын 15-ны өдөр Улаанбаатар хотноо зохион байгуулна.

Уг асуудлаар ОХУ-аас Монгол Улсад суугаа ЭСЯ-ны зөвлөх, ОХУ-ын ГХЯ-нд харьяалагддаг Россотрудничество Холбооны агентлагийн Монгол Улс дахь төлөөлөгчийн газрын тэргүүн Базархандаев Амгалан МСНЭ-ийн Ерөнхийлөгчийн үүрэг гүйцэтгэгч З.Боргилмааг өнгөрсөн 7 сард ОШУСТдээр урин уулзалт хийж байсан.

Хоёр улсын хэвлэл мэдээллийн хэрэгслүүдийн дээрх Медиа чуулга уулзалтыг зохион байгуулахад ОХУ-аас Монгол Улсад суугаа Элчин сайдын яам, “Россотрудничество” агентлагийн Монгол Улс дахь төлөөлөгчийн газар, Оросын бүх сэтгүүлчдийн холбоо зэрэг байгууллага хамтран ажиллаж байна.

Дээрх медиа чуулганд урьдчилсан байдлаар Монголын дөрөв дэх засаглалынхнаас гадна ОХУ-ын хил залгаа мужуудын хэвлэл мэдээллийн байгууллагуудын Ерөнхий захирал болон ерөнхий эрхлэгч нар, мөн Бүгд Найрамдах Буриад Улс, Бүгд Найрамдах Халимаг Улс , Бүгд Найрамдах Тыва Улс, Бүгд Найрамдах Саха (Якут) Улс, Крымын Бүгд Найрамдах Улс дахь ОХУ-ын Бүх Сэтгүүлчдийн Холбооны тэргүүнүүд, ОХУ-ын Эрхүү муж, Алтайн зах хязгаар, Красноярскийн зах хязгаар, Барнаул хот, Новосибирск хот, Баруун Сибирь, Москва, Санкт-Петербург хотуудын хэвлэл мэдээллийн байгууллагуудын төлөөлөл оролцоно. Үүнээс гадна Москва хотоос “Интерфакс” агентлаг төлөөллөө оролцуулах юм.

Манай хоёр орны хоорондох мэдээллийн дутмаг байдлыг арилгах зорилготой дээрх Медиа уулзалтын хүрээнд хоёр улсын хэвлэл мэдээллийн байгууллагууд цаашид хэрхэн хамтарч ажиллах талаар санал солилцож, хэлэлцүүлэг өрнүүлнэ. Мөн Орос-Монголын хэвлэл мэдээллийн байгууллагууд хамтын ажиллагааны гэрээ үзэглэх ёслол болно. Уг үйл ажиллагааг, хоёр улс хооронд одоо үйлчилж буй хилийн дэглэмээс шалтгаалан цахим хэлбэрээр зохион байгуулах юм

Ташрамд дурдахад, Медиа уулзалтын үеэр МСНЭ, Россотрудничествогийн төлөөлөгчийн газартай хамтран ажиллах гэрээ байгуулах юм байна.

Мэдээ уншаад таалагдсан бол Like дарна уу. Танд баярлалаа

Сайт таалагдаж байвал Like дарна уу. Танд баярлалаа

Төстэй мэдээ

ЕРӨНХИЙЛӨГЧИЙГ ХАМГААЛСАН НАМЫНХ НЬ РЕЙТИНГ ОГЦОМ УНАЖЭЭ

ЕРӨНХИЙЛӨГЧИЙН БАГЫН НАЙЗУУД ШИЙДВЭР ГАРГАХ ГОЛ ХҮМҮҮС БОЛСОН

ЕРӨНХИЙЛӨГЧИД ХАРИУЦЛАГА ТООЦОЖ ҮНДСЭН ХУУЛИЙГ ХАМГААЛСАН ПАРЛАМЕНТЫН ХҮЧИЙГ ОЙРООС ХАРУУЛСАН ЯВДАЛ

ИЗРАИЛААС ИРАН РУУ АГААРЫН ЦОХИЛТ ӨГЧ ЭХЭЛЖЭЭ

ГҮРЖИЙН СОНГУУЛЬД ЭРХ БАРИГЧ НАМ ЯЛАХ ТӨЛӨВТЭЙ БАЙНА

УМАРД СОЛОНГОСЫГ ЦЭРГҮҮДИЙГ ОРОСТ ИЛГЭЭСЭНД САНАА ЗОВНИЖ БАЙГААГАА ИЛЭРХИЙЛЖЭЭ

ЯПОНД ТӨЛӨӨЛӨГЧДИЙН ТАНХИМЫН СОНГУУЛИЙН САНАЛ ХУРААЛТ ЭХЭЛЖЭЭ

АНГЛИ, УЭЛЬСТ НЭГ УДААГИЙН ЭЛЕКТРОН ТАМХИЙГ ХОРИГЛОНО

УКРАИНЫ АСУУДЛААРХ ХЭЛЭЛЦЭЭНД ЗУУЧЛАГЧИЙН ҮҮРЭГ ГҮЙЦЭТГЭХИЙГ Н.МОДИ САНАЛ БОЛГОЖЭЭ

"BLADE RUNNER 2049" КИНОГ БҮТЭЭСЭН КОМПАНИ И.МАСКИЙГ ШҮҮХЭД ӨГЧЭЭ

Шинэ мэдээ